Avslutningskonsert i ei av Noregs beste konsertkyrkjer

Avslutningskonsert i Volda Kyrkje

Dato: laurdag 9.september

Tid: Dører kl. 18:30, konsertstart kl.19:00

Stad: Volda Kyrkje

Billettar: 300kr, gratis for studentar, elevar og born

Avslutningskonserten på Sunnmøre Kammermusikkfestival 2023 blir halden i ei av Noregs beste konsertkyrkjer. Her får du høyre stor musikk av Joseph Haydn framført av vårt eige festivalkor som i år endeleg er tilbake. Festivalkoret skal framføre ei messe av Haydn saman med fire solistar og Høgskuleorkesteret. Dirigent er Elizabeth Oltedal.

Solistar:

Karen Rosenberg Olsen, sopran:

Fullførte si masterutdanning i klassisk song ved Barratt Due Musikkinstitutt, The Royal Conservatoire of Scotland og Norges Musikkhøgskole i 2013. Ho har sunge solistpartia i fleire kyrkjemusikalske verk, som Händels Messias og Dvoraks Stabat Mater, hatt roller i ulike operaoppsetningar og ho har gjort mange konsertar både innanlands og utanlands. Ho arbeider no for det meste som sjølvstendig næringsdrivande, -som klassisk songarinna og yogalærar. Ho underviser også ved Høgskulen i Volda og arrangerer konserter og andre kulturarrangement i Gamle Skrivargarden i Volda. 

Ragnhild Engeset, mezzosopran:

Frå Hovdebygda og arbeider som musikklærar i kulturskule og vidaregåande skule. Ho er utdanna musikkpedagog og norskfilolog frå Bergen. Som songar har ho lang erfaring som solist i særleg kyrkjemusikalske samanhengar i regionen. Ho har mellom anna vore altsolist i Matteuspasjonen, Juleoratoriet og Johannespasjonen av Bach, Requiem av Mozart, og Elias av Mendelssohn. Av kammermusikalske prosjekt kan nemnast framføringar av Stabat Mater av Vivaldi og Il Tramonto av Respighi saman med Ålesund strykekvartett. Som lærarar i song har Ragnhild hatt Diane Sævig, Bergen og Åsa Bäverstam, Stockholm. 

Hjalmar Eiksund, tenor:

Kjem opphaveleg frå Ørsta, men er i dag busett i Volda. Eiksund har erfaring som tenorsolist og ensamblesongar, særleg i kyrkjemusikalske oppsetjingar. Lokalt har Eiksund vore engasjert som tenorsolist ved ulike samanhengar, mellom anna som «Andreas» under konsertoppsetjinga av operaen Kimen av Magnar Åm under dei Nynorske festspela i 2017. Han har lang erfaring som både korsongar og orkestermusikar, og har sunge med Trondhjems studentersangforening, Trondheim kammerkor og SKRUK.

Bernt Ola Volungholen, baryton:

Kjem frå Stange i Hedmark. Han har studert ved Operaakademiet i København, med Susanna Eken som lærar. Til tross for sin unge alder har han allereie fleire innstuderte og framførte roller, blant anna var han med i Det kongelege teaters 10-årsjubileumsforestilling som cover for hovudrolla Papageno.

Konsertprogram:

Haydn: Theresienmesse

W.A. Mozart: Duett nr. 1 i G-dur for fiolin og bratsj, KV 423 (Kronberger, Taksdal)

John Dowland (arr. Plagge): "The Duke of Essex his Second Galliard" (Wolfgang)

Haydns «Theresienmesse», skriven i 1799, har namnet sitt etter keiserinne Maria Theresia, men messa var ikkje skriven til henne. Alle hans seks messer vart skrivne i høve namnedagsfeiringar for fyrstinne Maria av Esterházy, som var gift med hans mangeårige velgjerar. Keisarinna kan likevel ha vore involvert i komposisjonsprossen; ho var ein dyktig amatørsopran som deltok i private framføringar av ymse anna kyrkjemusikk som Haydn komponerte.

Mozart skreiv sine to populære duettar i 1783. Dette for å komplettere for eit sett duettar hans gode venn Michael Haydn, Joseph Haydns yngste bror, hadde skrive for erkebiskop Colloredo av Salzburg.

John Dowland var ein av dei fremste lutt-utøvarane i den Elizabethanske-æra og var kjend over store delar av Europa i si samtid. Han var mest kjend for sine songar i tida etter sin død, men på 1900-talet vaks interessa for hans luttkomposisjonar. Fleire av dei er no godt kjende i repertoaret til klassiske gitaristar. Dette stykket, transkribert av Wolfgang Plagge, er eitt av desse verka. 

Historiske omgjevnadar møter historisk musikk

Konsertprogram: 

Mozart: Strykekvartett «Dissonans» KV 465 
Beethoven: Strykekvartett op. 59 nr. 3

 Mozart var ein stor beundrar av Joseph Haydn, og dei spelte ved fleire høver kammermusikk saman. Etter å ha høyrt Haydn sin opus 33-kvartetter som vart framførte i 1781, byrja Mozart året etter å skrive ei samling strykekvartettar tileigna nettopp Haydn. Den siste av desse seks kvartettane er den såkalla «dissonans-kvartetten», som vart fullført i 1785. Kallenamnet har den fått grunna den harmonisk sett svært dristiske introduksjonen til første sats.. Dagtidkonserten på laurdag vert avrunda  med den tredje og siste «Razumovskij»-kvartetten.

BILLETTAR: 300kr (Gratis for studentar, elevar og born)

Tonar & Ord med Olav Røyrhus Øyehaug

Velkomen til ein spanade fredagskveld i Aasentunet! Det vert språk og musikk i sampel denne konserten. Kaféen er open før og etter arrangementet.

Sunnmøre Kammermusikkfestival har glede av å presentere ørstingen Olav Røyrhus Øyehaug til årets festival. Han vil skape ei språkleg ramme kring dei auditive innslag frå Ligeti, Beethoven og Schubert.

Wolfgang Plagge var eleven til György Ligeti i studietida, og vil framføre eit av hans flotte stykke denne kvelden.

Bill: 300kr, gratis for studentar, elevar og born
Tider: Dørene opnar kl 19:00, arrangementstart kl 20:00

Program:

Nyskrivne tekster av Olav Røyrhus Øyehaug
Ligeti: Musica Ricercata
Beethoven: Strykekvartett op. 59 nr. 2
Schubert: «Der Wanderer» og «An den Mond»

Deltakarar:

Bernt Ola Volungholen - Baryton
Janina Kronberger - Fiolin
Annar Follesø - Fiolin
Nora Taksdal - Bratsj
Antoaneta Emanuilova - Cello
Wolfgang Plagge - klavér
Olav Røyrhus Øyehaug - poesi

Ungarske György Ligeti (1923-2006) var ein av 1900-talets fremste komponistar. Hans kunstariske openheit og søk etter uttrykk på form gjorde at musikken hans kunne spenne frå det grandiose og intenst komplekse til det nærmaste asketiske. I Musica Ricercata, frå første halvdel av 50-talet, er det kanskje ikkje så mykje 15.- og 16.-hundretallets kontrapunktiske "ricercar "-omgrep som er referanse, men meir den bokstavelege leitinga (frå italiensk «ricercare»): musikk som skal finne si form nærmast «ex nihil», altså frå eit svært avgrensa materiale. Beethovens andre «Razumovskij»-kvartett har, til ære for sin russiske bestillar, eit russisk folketonetema i tredje sats som seinare også har vorte nytta av mellom anna Tsjaikovskij, Mussorgskij og Stravinskij. Schubert danna på mange måtar ei bru frå klassisismen til romantikken, og i songar som «Der Wanderer» og «An den Mond» er det ein romantisk subjektivitet som vert merkande.

Kom og høyr musikk av Schumann og Fanny Mendelssohn på eit av dei flottaste flygla på Sunnmøre!

Konsertprogram:

Schumann: Dichterliebe
Fanny Mendelssohn: Capriccio
Schumann: Klaverkvintett

Robert Schumann skreiv sin kanskje mest kjende songsyklus «Dichterliebe» i 1840 over tekstar av Heinrich Heine. År 1840 er kjent som Schumanns store «song-år» - han skreiv meir enn 120 songar inspirert av sin kjærleik til Clara Wieck. Det som vert beskrive i denne songsyklusen er like fullt ein ulykkeleg kjærleik. Ekteskapet med Clara vart kunstnarisk veldig fruktbart, og han skreiv i 1842 sin strålande klaverkvintett (som har vorte ein av dei mest framførte verka her på festivalen) for nettopp Clara. Fanny Mendelssohn vart heile livet ståande i skuggen av sin bror Felix, men som hennar Capriccio for cello og klavér viser, hadde ho ei eigenarta og sterk komponiststemme som for ettertida kan stå på heilt eigne bein.

Velkomne til ei musikalsk oppleving i ein av verdas vakraste fjordar!  

Sunnmøre Kammermusikkfestival arrangerer i år ein konsert hjå Skårabakkane på Skår og vonar at Vaughan-Williams Songs of Travel vil vere passande på denne musikalske reisa. Det går berre ferje to gongar om dagen til denne staden. Konserten er difor lagt opp til å passe med ferjetidene, og festivalen syter for skyssbåt tilbake til Standal og Sæbø for publikum. Ein vil òg få høyre Haydn sin strykekvartett op. 71 nr. 2 frå Apponyi-kvartettane, og Beethoven Strykekvartett op. 59. nr.1 som er den fyrste av tre Razumovsky-kvartettar som vert framførte under årets festival. Ved behov kan vi også ordne transport frå ferjekaia og opp til konsertstaden. Det vil vere høve til å kjøpe hjorteburger og drikke på Skår.

 Vi gler oss! 

 Tider: 
Ferja til Skår: Frå Standal 15:45 og frå Sæbø kl 16:50
Retur: Skyssbåt etter konserten (festivalen organiserer felles)
Konsertstart: ca kl 18:00 når ferga og folk er komne.

Det vil òg vere mogleg å legge til på Skår med eigen båt. 

Billett: 400kr inkl. tur/retur Sæbø/Standal. 

Program:

Haydn: Strykekvartett op. 71 nr. 2 «Apponyi»
Vaughan-Williams: Songs of Travel
Beethoven: Strykekvartett op. 59. nr 1

Musikarar:

Janina Kronberger (DE), fiolin
Antoaneta Emanuilova (BG), cello
Wolfgang Plagge, klaver
Bernt Ola Volungholen, baryton
Annar Follesø, fiolin,
Nora Taksdal, bratsj

Vi veit ikkje om Ralph Vaughan-Williams faktisk tenkte «Songs of Travel» som ein syklus, men det er uansett slik ettertida har oppfatta desse fascinerande songane. Dei gir også ein flott introduksjon til årets tema og nøkkelord: «Undervegs». Songane flankerast på opningskonserten av Haydn og Beethoven – læraren og eleven, begge meistrar i strykekvartettfaget. Haydn innleia med sine opus 71-kvartettar i 1793, sin modne periode, med kvartettar skrivne for framføringa for eit konsertpublikum framfor for den tradisjonelle kammermusiseringa i private heimar. Beethoven var absolutt undervegs i 1807, då han skreiv sine tre kvartettar op. 59 til grev Razumovskij, den russiske ambassadøren i Wien. Han var på dette  tidspunktet kjent som ein meget bygåva komponist. Likevel heldt han fram med å presse seine eigne grenser. Hans stilistiske utvikling vert i desse verka sett for å bevege seg i forkant av dei rådande trendane og den tids gjengse smak. 

Velkomen til konsert og tre-retters middag på Rekkedal. Her har vi skreddarsydd ein heilaften, og prisen inkluderer mat, velkomstdrikk og konsert.

Dørene opnar: 1800
Bill: 950 kr inkl middag (eks. drikke)

Konsertprogram:

Haydn: Strykekvartett op. 71 nr. 2 –1. sats
Schubert: Der Wanderer
Mozart: Strykekvartett «Dissonans» -- 2. sats
Schumann: In wunderschönen Monat mai
Aus meinen Tränen spriessen
Das ist ein Flöten und Geigen
Die alten, bösen Lieder
Beethoven: Strykekvartett op. 59 nr. 1 – 1. sats
Vaughan Williams: The Vagabond
Bright is the Ring of Words
Schumann: Klaverkvintett – 1. sats

Musikarar:

Bernt Ola Volungholen, baryton
Annar Follesø, fiolin,
Janina Kronberger, fiolin
Nora Taksdal, bratsj
Antoaneta Emanuilova, cello
Wolfgang Plagge, klavèr

Ta lunsjen din på Tredet i Volda og høyr levande kammermusikk frå scena

Det har vorte ein tradisjon at Sunnmøre Kammermusikkfestival held kafékonsertar i Ørsta og Volda. I år har vi gleden av å halde den hjå Tredet i Volda.

Kom å ta lunsjen din her denne onsdagen, og høyr fantastisk musikk samstundes.

Kammerpub på Rokken med filmframsyning og levande musikk

Vi har gleden av å presentere ukjende filmar frå Volda frå 1938 til godt utpå 1950-talet. Kolbein og Helge Halkjelsvik har sett saman eit halvtimes program med unike Volda-filmar. Det blir daglegliv i Gatå, mange kjente Voldingar. 17.mai og søndagsskuletog. Friidrett på Steinrøysa med over 1500 publikummarar. Tennis på bana på Andaneset. Fotballkamp mellom Ørsta og Volda. Volda i kvardag og fest.

Det vil bli levande musikk av våre kammermusikarar til desse stumfilmane. Det vil også vere høve til å slappe av med kammermusikk over høgtalarane i kaféen før og etter filmkonserten.

Dørene på Rokken opnar kl 18:00. Dører til filmframsyninga vil opne 20:30, og filmframsyninga byrjar kl 21:00.

BILLETTAR: 100kr (Studentar: GRATIS)

Velkomne!

Foredrag med Wolfgang Plagge om György Ligeti

Wolfgang Plagge var elev av Ligeti. Velkomne til eit foredrag der vi får høyre meir om forholdet deira og det tette møtet med musikken.

Tema:

«György Ligeti - tidsvitnet som ville stoppe tiden. Om nasjonaliteter, ismer, oppbrudd og oppdagelser - og om en merkelig vei inn i et vennskap.»

Bill: 100kr, Gratis for studentar, elevar, born og tilsette ved HVO.
Rom: Kaarstad 202, Kaarstadbygget, Høgskulen i Volda

Foredragshaldar: Wolfgang Plagge

Sunnmøre Kammermusikkfestival ynskjer deg velkomen til årets festival.

Vi opnar festivalen i Gamle Skrivargarden i Volda . Kvelden vert leia av våre kunstnariske leiarar Wolfgang Plagge og Annar Follesø som vil presentere musikken og musikarane som skal spele og glede oss gjennom festivalveka.

Vi serverer ein velkomstdrikk og noko smått å bite i. Truleg vert det også noko musikk frå musikarane i løpet av kvelden.

Tider: 20:00-22:00

NB! Avgrensa tal billettar

Billett: Gratis - men du må tinge billett på Tikkio eller sende oss ein mail. Trykk på kjøp billett under for å kome til Tikkio.

Sunnmøre Ungdomssymfoniorkester, Wolfgang Plagge, AnnarFollesø & Janina Kronberger

Velkomen på opningskonserten til Sunnmøre Kammermusikkfestival 2023!

Her møter du Sunnmøre Sunnmøre Ungdomssymfoniorkester i samspel med Wolfgang Plagge, Annar Follesø og Janina Kronberger. Dette blir ein konsert med speleglede, born og ungdom i fokus.

Sunnmøre Ungdomssymfoniorkester vart tildelt talentstipend frå Sunnmøre Kammermusikkfestival i 2022. I denne tildelinga hadde vi ein draum om å få til ein konsert saman med orkesteret på festivalen i 2023. Sunnmøre Kammermusikkfestival er stolte over å få presentere denne konserten i 2023, som vi sjølve kallar for Draumekonserten.

Bill: 300kr, Gratis for studentar, elevar og born
Stad: Konsertsalen på Kaarstadbygget, Høgskulen i Volda

Tider: Dørene opnar kl 17:30. Konsertstart kl 18:00

Musikalsk program:

- Musikk frå repertoaret til Sunnmøre ungdomssymfoniorkester

- Giovanni Battista Viotti: Duett nr. 1 for to fioliner (Annar, Janina)

- Tveitt: Utvalg fra "Hundrad hardingtonar frao Hardanger" (Wolfgang)

Musikarar:

Sunnmøre Ungdomssymfoniorkester /v Trude Rabben og Sverre Halvdal Sørdal

Janina Kronberger, fiolin
Annar Follesø, Fiolin,
Wolfgang Plagge, klavèr